Christian Lindner

Dr Christian Wolfgang Lindner (* 7. Jänner 1979 z Wuppertal) isch e dytsche Bolitiker (FDP). Syt em 8. Dezämber 2021 isch er Bundesminischter fir Finanze im Kabinett Scholz un syt em 7. Dezämber 2013 Bundesvorsitzer vu dr FDP.^[1]

Syt Mai 2012 isch er, wie au scho vu 2000 bis 2009, Mitglid vum Landdag z Nordrhy-Weschtfale. Är isch derzue au Vorsitzer vum Landesverband un dr Landdagsfraktion vu dr FDP Nordrhy-Weschtfale. Vu Oktober 2009 bis Juli 2012 isch dr Lindner Mitglid vum Dytsche Bundesdag gsii, vu Dezämber 2009 bis Dezämber 2011 au Generalsekretär vu dr Bundes-FDP.^[2]

Vu 1997 bis 1999 un 2002 bis 2004 het er as freiberueflige Unternämesberoter gschafft. Vu 2000 bis 2001 isch er Gschäftsfierer vu dr Internetfirma Moomax GmbH gsii.

1. ↑ Christian Lindner führt die FDP in die Apo. Die Welt. 7. Dezember 2013. Abgrüeft am 21. Januar 2015.
2. ↑ FDP-Generalsekretär Lindner tritt zurück. Spiegel Online. 14. Dezember 2011. Abgrüeft am 16. Juni 2012.